Ул берничә мәртәбә авылдашларына мөрәҗәгать итеп, “Бердәм булыйк, әрвахларыбызның рухы шат булсын!” – дип өндәде. Һәм авыл халкы бу чакыруны җавапсыз калдырмады.

Өмәдә ике зираттагы куакларны аудару эшләре башкарылды. Бу изге эштә катнашучылар исемлеге озын. Беренче чиратта, Түбән оч мәхәлләсеннән килгән абый-егетләребезгә зур рәхмәт: Рәфис абый Сиразетдинов, Айрат Загрутдинов, Фәиз Вафин, Равил Мингалимов – сез үрнәк күрсәттегез! Яныбызда булган 70-80 яшьлек бабайларыбыз – Илнур абый Мостафин, Сәлих абый Фәтхетдинов, Минәхмәт абый Әхмәтҗанов – аларның кулыннан изгелек түгелә. Ерак юлларны якын итеп, вакыт табып кайтучы абый-егетләребезгә дә рәхмәтебез чиксез.

Ә акчалата ярдәм итүче авылдашларыбызның изгелеге аерым бер батырлык. “Яхшылык кылсаң, йөзьеллык гомер итәрсең” халык мәкалендә әйтелгәнчә, изгелек кире кайта. Без ышанабыз: бу өмәдә күрсәтелгән ярдәм һәркемнең үз йортына, гаиләсенә, сәламәтлегенә мең кат әҗер-савабы белән әйләнеп кайтсын, һәрберегезгә Аллаһының рәхмәтләре яусын! Әрвахларыбызның урыннары җәннәттә булып, рухлары шат булсын. Бердәм булыйк, авылдашлар! Чөнки бердәмлектә – көч, бердәмлектә – бәрәкәт.

Гөлия Галямова, Нурлат районы “Ак калфак” хатын-кызлар оешмасы җитәкчесе