2 майда «ЮВТ АЭРО» авиакомпаниясе Казан – Нальчик – Сочи маршруты буенча даими рейслар ача. Очышлар шимбә һәм чәршәмбе көннәрендә башкарылачак, дип хәбәр итә авиакомпаниянең матбугат хезмәте.
«Яңа рейслар Казан халкына һәм кунакларына популяр курорт юнәлешләренә – Нальчик һәм Сочига тиз һәм уңайлы барып җитәргә мөмкинлек бирә. Маршрут бу төбәкләргә сәяхәт итүгә зур ихтыяҗ барлыгын исәпкә алып сайланган», — диелә авиакомпания хәбәрендә.
Маршрутта Канаданың 50 пассажир сыйдырышлы «Бомбардье CRJ-200» авиалайнерлары файдаланылачак.
