Азнакай районының Тымытык авылында Ык елгасы аша салынган күпер әле дә су астында. Бу хакта Россия Гадәттән тыш хәлләр министрлыгының ТР буенча Баш идарәсендә хәбәр иттеләр, дип яза «Татар-информ». Казансу (Арча районы, Кәче авылы) һәм Кече Мишә (Теләче районы, Екатериновка авылы) елгалары янындагы таш түшәлмәгән ике юл да шундый ук хәлдә.
Моннан тыш, Түбән Кама районының Кызыл Чишмә бистәсендә яр буен өлешчә су баскан.
